Talosagaina e Auomala se galuega mautū

Tusia Aruna Lolani ,

22 Hits

Talosaga mo se galuega tumau: Auomala Auva’a mai Asau ma Falealupo Savaii

Talosaga mo se galuega tumau: Auomala Auva’a mai Asau ma Falealupo Savaii (Photo: Aruna Lolani)

Na maua le fa’atalatalanoaga a le Fofoga o Samoa ma se tasi o tamā e suafa ia Auomala Auva’a mai Asau ma Falealupo Savaii.

O lona naunauta’iga sa ia fa’ailoa mai o le su’eina o se galuega aua le tausiga o lona aiga.

“E mo’i e faigofie na su’e ae mana’omia le galuega tumau. Aua o le mea lea e iai faa’pea a tagata ia pea, ae o le mea sa’o a ia sa lelei a’oga ae ua fa’aletonu a ona o le tala i le seleni a matua ia i le vaitaimi na,” o lana tala mai lea.

“O lea la ua fa’apea le olaga ma ua mana’omia se galuega tumau ae e tele galuega aua e su’e gofie a galuega.

“E le mana’omia foi galuega e tigaina ai ae le fetaui ma le malosi.

“E pau le naunata’iga lea e ia a’u, o lea e toe fia ave se mataupu i se tausaga se tasi ae e fa’alagolago a po’o ai e fia fesoasoani mai. Sa ou vili muamua i o’u aiga ae leai ma sesi e maua ai se fesoasoani tau seleni.

“Pau a lea mea lea ou te faia e a’u ia o lo’u naunau o a’u ia e tausi lo’u aiga; lo’u to’alua ma lo’u atali’i, out te naunau a a’u ia e fai a e a’u a matou mea.

“A tonu e iai se taimi maua se fesoasoani ao le mea la e fai nei; o le aiga a lo’u to’alua e tele le toga toto ma o le mea lea e fai o le fa’apa’u o le toto ma ave le maketi ma maua mai le tupe.

“Sa ou aoga i le uelo i Puna’oa ae ou te mana’o la e toe fa’aauau, ou te le toe mana’o la i se uelo ae ou te mana’o la i le palama aua o lou iai se malamalamaga laitiiti i le palama aua ua atoa le lua tausaga o o’u faigaluega i lo’u uncle i le palama.

“O a’u fo’i na a’oga i Vaipouli ae uma ifo ou sau nei. Sa lelei a mata o la’u tusi pasi i le F.O.E. ae sa fa’aletonu le selen, lea sa ou aoga ai loa i Puna’oa. O la’u nofoga la lena sa ou faigaluega ai ia Yazaki ma isi pisinisi. Lea la ua maua ma le aiga, maua ma le atali’i lea la ua nofonofo fa’apea, ua ese’ese fo’i la’asaga ua o’o ai ma o lea la ua mana’omia ai se galuega tumau.

“Ia a’u ia, ua ou mana’omia fo’i so’o se ituaiga galuega i le taimi nei aua o lea ua fai le atalii ma o lea foi ua iai lesi pepe e le i fanau, o le masina valu nei a lo’u to’alua ma ua sau a la fo’i ma le naunata’iga foi lea e mana’omia se galuega. Aua sa ou filifili i se galuega ia ae peita’i ane, lea la’a lua ifo tamaiti ae ua leai a se fesoasoani ia au.

“Ua tatau a la ona su’e so’o galuega i le fa’afitauli lea e iai lo’u aiga le taimi ma e tatau lava ona iai se galuega e fesoasoani ai le atina’eina o le aiga. 

“O le fa’amoemoe a lea iai, a malosi foi le tina o le aiga, ua su’e foi sana galuega.”

© Samoa Observer 2016

Developed by Samoa Observer in Apia